手錶 (發傻)

可憐的手錶被主人遺棄左一段頗長的時間,
好彩被主人的主人收留佢同埋帶它搵地方換電,
錶錶依家充滿能量, 手手腳腳又可以靈活郁動啦.
不過它的主人又未能接它, 它依家唯有逗留係另一主人度,
等它真正的主人返黎, 首先要幫它較返其他功能,
然後兩位主人就會帶佢周圍行街, 睇戲, 食野...
錶錶好掛住佢真正的主人, 它想主人快d返黎陪它, 唔想成日留係個櫃入面.

PS: 手錶好怕醜, 影左好多次先影得稍為好d.

海洋公園 -七彩昇空天地

年初二一家人去左海洋公園, 近年去多左, 平均一年起碼一次, 因為生日免費掛.
舊年2006年就去左兩次. 迪士尼樂園開幕後我特別喜歡海洋公園, 可能我比較討厭迪士尼樂園掛,
唔係唔鐘意迪士尼的卡通人物, 而係討厭它的態度嚣張.

海洋公園的上進真值得我們學習, 它不斷求變, 添加新設施..... 由前幾年人流少到現在人流不停增加.
我真係好欣賞它, 由欣賞變為越來越喜歡它. 我相信今年又會o係十二月再去....

小記: 新設施七彩昇空天地其實只係上同落, 企o係升空氣球上, 大約時間係四至五分鐘, 上到高空好大風, 上同落個一下升空氣球會比較搖.
不過該項新設施要派籌先有得玩, 冇拎籌隨時冇得玩, 我當然唔知道la, 所以同左佢d 職員理論後先有得玩. 要記住留意.

在2007出發的一年

最近身邊好多人都有自己個Blog, 引起我都想試一試...

2007 年轉眼間差唔多己經過左一個月多d啦...
希望自己今年可以有些改變la...
唔想見到日子一日一日咁過去, 自己仍然沒有任何進步
相信好多人在每一年的完結時都會為自己定下在新一年要實現的目標,
但試問有幾多人可以為自己兌現呢 ? 我自己就係一個例子.